Malvatu Mauri

Malvatu Mauri hem Nasonol kaonsel blong ol kastom jif blong Vanuatu. Konstitusen blong Ripablik hem defaenem wok blo hem.

Haus blong Kaonsel Malvatu Mauri ia i stap long Port Vila, Vanuatu.

Wok blong kaonsel ia

Kaonsel ia, wok blong hem espeseli blong advaesem gavman long saed blong kastom blong Vanuatu, mo long saed blong lanwis tu.

Stamba blong nem

Long ol lokol lanwis, mal i wan kaen "jif", vatu i minim "ston", mo mauri i minim wan samting we hemi "laef". Olsemia, Malvatu Mauri hem minim “Ston blong jif, we i laef”.