Roi Mata

Roi Mata hemia nem blong sam bigman blong bifo, long Vanuatu, long aelan blong Efate.

Hol blo ston long aelan Lelepa we wan blong olgeta jif “Roi Mata” hemi bin stap bifo, samples lo 13th sentri.

Roi Mata hem no wan man, be hem wan taetol blong jif, long kastom blong not Efate mo blong ol man we oli tok lanwis Nakanamanga. Taetol ia igat plante man we oli holem, stat lo 10th sentri BCE, kasem 17th sentri.

Jif Roi Mata blong 16th sentri

Wan feimas jif we i holem taetol blo Roi Mata ia, hem bin stap samples long 16th sentri. Ol kastom stori blong Sheperd aelan mo Not Efate oli tokbaotem hao nao hemi bin yunaetem sam lokol komyuniti, taem volkenu Kuwae ibin faerap, lo yia 1453. Akiolojist Roger Garanger hemi faenem gref blong hem long smol aelan blong Eretoka, klosap lo Lelepa long Efate. Stat long 2008, ples ia hem kam olsem wan World Heritage Site blong UNESCO. Tedei ia, plante turis i stap kam blong visitim saet ia.