Kalja Lapita

Kalja Lapita (o kalja blong Lapita) hemia wan kalja blong longtaem bifo, long taem blong Neolitik, we i bin divelop long Pasifik, espeseli long Melanesia.

Ples mo taem

Kalja ia hem blong olgeta Austronesian, we oli stap long Filipin mo Niugini oli kam. Oli stap travel long bigfela selkenu, ale oli kam kasem Remote Oceania.

Kalja blong Lapita i stat samples lo 3600 yia bifo naoia (=1600 BCE), kasem 2500 yia bifo naoia (=500 BCE).

Ol Lapita nao oli fesman we oli stap long ol aelan blong Vanuatu, Niukaldonia mo Fiji, samples lo 3000 bifo naoia (1000 BCE). Olgeta fesman tu we oli stap long West Polinesia, olsem Samoa mo Tonga.

Olgeta man Lapita oli bin tok wan lanwis, we ol linguist oli ting se hem mas Proto-Oceanic, hemia we stamba lanwis blong plante aelan blong Pasifik.

Ol aspek blong kalja

Wan pis blong poteri we ol man Lapita ibin mekem (long Fiji). Disaen blong hem i shoem wantaem se hem wan poteri blong kalja Lapita.

Kalja blong Lapita yumi save from ol akiolojist oli bin digimaot sam samting blong bifo: olsem, bun blong man blong bifo; mo espeseli ol kaen sospen we oli bin wokem wetem graon (poteri). Ol poteri ia oli gat disaen we i shoem stael blong Lapita wantaem.

Plante aspek blong kalja ia, hem had lelbet blong save, from kalja Lapita inogat sistem blong raetem lanwis.