Open main menu
Kokonas
Stamba blong kokonas

Kokonas (Cocos nucifera) hem wan kaen pamtri we istap gru long tropikol eria blong wol, long so klosap blo solwora. Hemi stap olbaot long Vanuatu tu.

Hao man i yusumEdit

 
Kokonas blo trink

TrinkEdit

Taem fresh kokonas hemi grin kala, hemi fit blong trink. Bislama i kolem “navara”, igat spesel nem bl'm long ol lanwis Vanuatu.

Man o pikinini i klaem antap long stamba blong kokonas, holem kokonas, tanem, tekem. Katem hol wetem naef, ale trink. Wora bl'm i swit.

KakaeEdit

 
Tul blong skrasem kokonas

Fresh kokonas igat palp bl'm we man isave kakae, we hem swit tu.

Ale spos kokonas i raep moa, palp ia bae i kam strong, hem had tumas blong kakae wetem tut. Be hemia man i save skrasem nao: long kastom oli skrasem wetem kokiyas; tedei wetem wan spesel kaen metal bled.

Skrasem gogo, yu tekem kokonas ia mo skwisim wetem tufala han, mekem melek blong kokonas. Oli melekem kakae olsemia long laplap.

 
Lif kokonas
 
Ol sel kokonas blong mekem kopra

KopraEdit

Mit blong kokonas oli mekem oel blong kopra long hem, yusum blong mekem sop o shampu o wanem. Hemia bigfela pat blong exportation blong Vanuatu.

Sel kokonasEdit

Taem skrasem kokonas finis, man i save sakemaot sel bl'm, o i save yusum bakegen.

Wan yus bl'm hem olsem wan glas blong trink kava l'm.

Lif kokonasEdit

Ol lif kokonas igat plante yus bl'm. Espeseli oli wivim mat l'm, spesol mat blong lif-kokonas, blong staon l'm long graon.

Yumi save wivim defren kaen basket tu;[1] mo ol pleple blo pikinini tu.[2]

Ol futnotEdit