Laplap hemi kastom kakae blong Vanuatu.

Hao blong mekemEdit

 
Laplap blo mit, oli putum long lif banana, i redi blong go long oven nao.

Igat ol defdefren kaen laplap long Vanuatu. Samfala yu tekem yam, samfala taro, o maniok, o bresfrut; ale skrasem, skrasem go–go, pushum igo long bigfala lif olsem lif banana. Samtaem yu save adem fis tu, o spos no, mit blong buluk, o pig, o faol tu. Ale, skwisim melek blong kokonas igo long hem.

Kavremap evriwan wetem lif (banana lif o wanem), long smosmol bandel o sipos no long wan bigwan bandel wantaem. Finis ale, putum evriwan long stonoven, hemia oven we istap long graon, kavremap wetem hot ston; bekem. Taem hem tan finis, yu openem oven, tekemaot laplap.

Olgeta yusEdit

Oli bekem laplap olsemia blong bigfela grup i save sherem: olsem, long wan lafet blong vilej, wan maret, wan kastom seremoni, wan selebresen olsem.


 
Laplap sosor (Malekula).