Kalja blong Vanuatu

Kalja blong Vanuatu hemia ol kaen aktiviti we ol pipol blo Vanuatu i save praktisim, long taem blong kastom bifo, mo long taem blong tedei tu.

Red mat from Pentecost Island, Vanuatu, Honolulu Museum of Art accession (detail)

Ambrym at

Ol defren aspek blong kalja blong Vanuatu

Kalja blong Vanuatu hemi inkludem:

• tanis mo singsing
  • kastom tanis
  • kastom singsing mo poem
  • wota musik
  • niufala kaen musik olsem Stringban, reggae, o narawan
• kastom storian
• ol defren lanwis blong Vanuatu
• kastom disaen
  • tatu
  • fasin blong wivim mat
  • sandroing, we man i stap dro long sanbij
• arkitekja mo fasen blong bildim haos
• fasin blong manajem kakae
  • agrikalja mo fishing,
  • fasen blong manajem najurol risos
  • fasin blong kuk, olsem ol defren kaen laplap
• kastom blong trink kava

Wivim mat

Mat hemi wan samting we man o woman i wivim long lif, lif kokonas o lif pandanas. Man i save sindaon o silip long hem. Hem wan presen tu blong man i save pem woman long hem, o mekem kastom seremoni long hem.